Al initio

Victor Tchernavski, Russia

Nascite: 26 de decembre 1970, le region autonome Hanty-Mansi, Siberia.

Desde le fin de 1995 essite le representante de interlingua in Russia, substituente Valentin Pessenko, Rostov-na-Donu, qui debeva quitar le posto a causa de manco de tempore libere. Post le studios in le collegio de telecommunicationes in Yekaterinburg (Sverdlovsk) travaliava como ingeniero in Uraltelecom, le firma de telecommunicationes regional in Alapayevsk, ma travalia desde 1996 como un programmista in le Officio del Servicio Postal de Alapayevsk.

Studia interlingua desde le anno 1988 e comenciava in januario 1995 publicar le magazin pro interlinguistas russophone "Lingua International in Russia", un bon ligamine inter interessatos. Le crescente costos de expedition totevia ha claudite le magazin. Le grande projecto es le dictionarios interlingua-russe e inverse. Le dictionario Interlingua - Russo in forma concise con circa 8.000 parolas, esseva publicate in 1997 per le Servicio de Libros UMI (gratias a Piet Cleij). Ora duo dictionarios concise es sub preparation: Interlingua - Russo e Russo - Interlingua.

(A causa del problemas technic le labor con dictionarios stoppava).

Participava in le conferentia international de interlingua in Strasburg in 1997.

Al initio

Hosted by uCoz